مسکو تلاش دارد برای جلوگیری از بی‌ثباتی فزاینده در نزدیک مرز جنوبی تاجیکستان، تجهیزات نظامی به دوشنبه بفرستد.
به گزارش افغان نیوز؛ رویترز به نقل از وزارت دفاع روسیه گزارش داده که با توجه به بی‌ثباتی فزاینده نزدیک مرز جنوبی تاجیکستان، با دوشنبه برای تضمین امنیت دو کشور همکاری می‌کند.
بیانیه وزارت دفاع روسیه افزوده: این سخت افزار که شامل تجهیزات نبرد نزدیک و محافظتی است، توانایی‌های نظامی تاجیکستان را بروز و به میزان قابل توجهی نیرومند خواهد کرد.
مسکو نگران پیامدهای جنگ در افغانستان و گسترش تروریزم به آسیای میانه است. زیرا بیشتر خط مرزی یک هزار و ۳۴۴ کیلومتری تاجیکستان با افغانستان، کوهستانی و نگهبانی از آن دشوار است.
مسکو از هنگام عقب نشینی نیروهای امریکا از افغانستان و به قدرت رسیدن برق آسا و پیش بینی نشده طالبان دراین کشور، در تلاش برای تقویت تاجیکستان به عنوان متحد خود در آسیای میانه است.
این درحالی است که روسیه تاکنون چند رزمایش با تاجیکستان برگزار کرده و تجهیزات و تسلیحات خود را در پایگاه نظامی خود در این کشور که بزرگ ترین پایگاه خارجی مسکو به شمار می‌رود، افزایش داده است.
پیام ها